درِ اقدس پہ حال دل سنانا یاد آتا ہے

مدینہ کی یاد میں کلام

مدینہ یاد آتا ہے 

 در اقدس پہ حالِ دل سنانا یاد آتا ہے

مدینہ یاد آتا ہے مدینہ یاد آتا ہے

مدینے میں جو گزرا وہ زمانہ یاد آتا ہے

مدینہ یاد آتا ہے مدینہ یاد آتا ہے 

ادب سے بیٹھ کر اس گنبدِ خضرا کے سائے میں 

نبی کی یاد میں آنسوں بہانا یاد آتا ہے

مدینہ یاد آتا ہے 

رسول اللہ کے دربار میں ان کی محبت میں

یہ تیرا روز و شب کا آنا جانا یاد آتا ہے

مدینہ یاد آتا ہے

اویسِ قرن بولے مائی اجازت دیجئے مجھ کو

جدائی میں تڑپتا ہوں مدینہ یاد آتا ہے

مدینہ یاد آتا ہے 

مزارِ فاطمہ پہ کربلا والوں کی یاد آئی

مدینے والے آقا کا گھرانہ یاد آتا ہے

مدینہ یاد آتا ہے

*تحریر کردہ محمد یونس رضا قادری مشاہدی*